Griaß de bei da Freiwuiign Feiaweah Minga!

Wannsd midmocha mogsd: Mia san de Freiwuiige Feiaweah Minga

In da Londeshauptstod Minga gibds a Beruafsfeiaweah un a no a Freiwuiige Feiaweah. De Berufsfeiaweah is im Stodgebiet auf zehn Wachn zfindn, uns gibds glei zworäzwonzig moi in Minga. Die Weakfeiaweahn konnsd an oaner Hand obzähln. Olle Minchna Feiaweahn san im Stodfeiawehrvaband zammgfassd.

Des wosd bei da Freiwuiign Feiaweah lernsd und womidsd oerbeidsd is fast des Selbe wia bei da Berufsfeiaweah. Mia fahrn fasd ollerwei gmoansam umernanda. Zu Einsätzn wern mia dreidausnd moi jeds joar grufn. Grindt san mia worn scho anno 1866. Im Joar 2016 han mia unsa zünfdigs Jubiläum gefeiat. Dawai san mia üba dausnd Weiberleid und Mannderl bei da Freiwuiigen Feiaweah Minga, ohne dos mia irgend a diridari bekämma dadn.

Damits mia ned ausschderm ham mia de Jugendfeiaweah Minga

De Jugndfeiaweah Minga is de Nochwuchsoaganisation da Freiwuiige Feiaweah Minga. In Minga gibts fümf Gruppn da Jugndfeiaweah. Die wos indressierd kenna ob zwäif Joar da Feiaweah oidasgrecht kennalerna.

Mia ham ollerwei vui Feiaweahgschaftl mid de Jugendlichn zduan damits schbada wissn, wos doa soi. De Feiaweahgrundlogn lernas a. Damits fia de Kloana ned fad werd gibts Gruppnstundn, Spoat, Zeltloga un ollerwei a Gaudi.

Scho mid 16 Joar kenna de junga Madln un Buam bei Feiaweaheinsätzn dabei sei. Bis 18 Joar nur do, wo nix passiern ko und nur midanand mid oidn Feiaweahleid.

Jetzed kimmsd du: Wos kannst du machn?

Um a Mitgliad in da Freiwuiigen Feiaweah Minga zua wern, musst du des kenna:

  • Du bisd in Minga gemeldt un wohnsd a do. Ois Flüchtling hosd oan gsicherdn Aufenthoidsstatus.
  • Du muasd houchdeitsch sprecha un schreibn kenna (Sprachniveau B1).
  • Du bisd gsund und fit, wos da Amtsazt auch bschdädicht.

Zerst lernsd nebn Schui oda Beruaf die Feiawweahgrundlagn a boar Joar lang. Ois Mitgliad da Freiwuiign Feiaweah Minga bekimmsd a eigngs Gwand, muasd di aber vapflichtn, dassd regelmäßig bei Übungä und Einsätzn midmochsd.

Na, gfoid deas?

Schau dia amoi dees o, dafia muassd abä houchdeitsch kenna.